Ankh se door na ho dil se uter jaye ga
Waqt ka kya ha guzarta ha guzar jaye ga
Itna manoos na ho khalwat-e-ghum se apni
Tu kabhi khud ko bhi dekhe ga to darr jaye ga
Doobte doobte kashti ko uchhaala de doon
Main nahi koi to sahil pe utar jaye ga
Zindagi teri ataa hai to ye jane wala
Teri bakhshish teri dehleez pe dhar jaye ga
Zabt lazim ha mgar dukh hai qyamat ka Faraz
Zaalim ab k bhi na roye ga to marr jaye ga
Subscribe to:
Post Comments (Atom)
No comments:
Post a Comment